متصدقش أي حد يقولك او يفهمك أو يتصرف بدلالة غير كده صدقني مصر زي ما هي .. . و هتفضل زي ما هي ..لسّه فيها ناس بتقرا و تسمع و تفهم.. و تتكلمو لسّه فيها شوارع بتـرد السلام ... تفضل سهرانة للصبح متعرفش مستنية ايه و لسه فيها ناس من غير ما تسألهم يدلوك على مطرح ما انت رايح و لسه فيها مسارح و أوبرا و قهاوي و ترمس و درة و كورنيش و ولاد و بنات و أمن مركزي و مظاهرات و حكم و انتخابات و أحزاب و جرايد و توريث و فساد و مخدرات و فقر و كباريهات و معابد و أهرامات و أزهر و جوامع و كنايس و مدراس و مصانع و ورش .. و عربيات فول لسّه فيه اصحاب و مكان ممكن تشرب فيه الشاي أو القهوة و انت مبسوط لمجرد انك قاعد مع حد. . لسّه فيها مكان تحط سن القلم على الورقة.... و تسيب سطر . تكتب " البسملة "و بعدها بلادي ..لسّه فيها التحرير و رمسيس و امبابة و شبرا و اسكندرية و السويس و المحلة و اسيوط و قنا و سوهاج لسّه الصعيد فيها بيطرح زي الأرض... و بحري بيندّي زي فجر يوم قبل ما تمطر على الاسفلت مصر لسّه ونس.. ماخربتش و لسّه فيها ندوات و شعر و ورق و هوامش و شخابيط و كلاام بيتقال عن كل شيء. .. و لسّه فيها ياما ناس بتقول و محتاجة تتسمع بس لسه فيها دنقل و عبد الصبورو منير و الشيخ ياسين و عبد الصمد و المنشاوي و طه و نجيب و عبد الحليم عبد الله و السباعي و ابراهيم عبد المجيد و هيكل ..و جمال . .يوووووووه.. لساها مصر لسّاها مصرررررررررررررررررررررر " خالد عبد القادر" |
